تەکنەلۆجیا بۆ ئاشتی
ڕاستیی هەواڵی دەستگیرکردنی وەزیری پێشووی بەرگری سابت عەباسی چییە؟
لە تۆڕە کۆمەڵایتییەکاندا هەواڵێک بڵاوکراوەتەوە کە دەڵێت "سابت عەباسی وەزیری پێشووی بەرگریی عێراق هەیە، دەستگیر کرا".
ڕاستییەکە
هەواڵی دەستگیرکردنی وەزیری پێشووی بەرگری عێراق، سابت عەباسی، ساختەیە، بەوپێیەی هاوپەیمانی حەسمی نیشتیمانی ڕاستی ئەو هەواڵەی ڕەتکردەوە.
لە کاتی گەڕان لە وێبگەڕەکان بە بەکارهێنانی وشەی سەرەکی، هیچ سەرچاوەیەکی باوەڕپێکراومان نەدۆزیەوە کە ڕاستی ئەو هەواڵە بسەلمێنێت، جگە لەوەش هیچ هەواڵێکی پەیوەندیدار بەو بانگەشەیە لە هەژمارە فەرمییەکانی دەستەی دەستپاکیی عێراق، یان دەزگای ئاسایشی نیشتیمانیی عێراق بڵاونەکراوەتەوە، هەروەها هیچ دەزگایەکی ڕاگەیاندنی ناوخۆیی، چ فەرمی یاخود نافەرمی، ڕووماڵی هەواڵی هاوشێوەیان نەکردووە.
لەلای خۆیەوە، هاوپەیمانی حەسمی نیشتیمانی لە بەیاننامەیەکدا کە لە ڕێگەی هەژماری فەرمییانەوە کە لە ڕێکەوتی 15ی ئابی 2026 بڵاوکراوەتەوە، ڕاستیی ئەو هەواڵەی ڕەتکردەوە، جەختی کردەوە کە ئەوەی بڵاودەکرێتەوە دوورە لە ڕاستییەوە.
هاوپەیمانەکە ڕوونی کردەوە کە سەرکردەکەی، سابت محمد سعید عەباسی، تەندروستیی باشە و ئەو شتانەی بە پێچەوانەوە بڵاودەکرێنەوە، هیچ بنەمایەکی ڕاستییان نییە. هەروەها هۆشداری دا کە ئەو کەسانەی هەواڵی درۆ بڵاودەکەنەوە، بەپێی یاسا لێپێچینەوەیان لەگەڵ دەکرێت، لە هەمان کاتدا جەختی کردەوە لە بەردەوامبوونی لەسەر هەڵوێستەکانی.
ناو بە ناو، هەندێک هەواڵی ساختە بە نادروستی دەخرێنە پاڵ لایەنە ئایینی، سیاسی یان حکومییەکانەوە، بە مەبەستی دروستکردنی مشتومڕ یان بەلاڕێبردنی ڕای گشتی.
لە نێوان ئەو هەواڵانەدا، هەواڵێک بڵاوکرایەوە کە دەڵێت دەستەی دەستپاکی لە ماڵی وەزیری پێشووی بەرگری، سابت عەباسی، (63) گرێبەستی هاوسەرگیریی مسیاری دۆزیوەتەوە، بەڵام دوای پشکنین و دڵنیابوونەوە، دەركەوت کە ئەو هەواڵە ڕاست نییە.
هەروەها، هەواڵێک سەبارەت بە دەستگیرکردنی بازرگان نەمیر عەقابی بڵاوکرایەوە، بەڵام تیمی تەکنەلۆجیا بۆ ئاشتی ڕوونی کردەوە کە ئەم هەواڵە هیچ بنەمایەکی ڕاستی نییە.
