پێکهاتەی ڕێکخراوی تەکنەلۆجیا بۆ ئاشتی پێکدێت لە شێوەیەکی هەڕەمی کە لە ژێر سەرپەرشتی دەستەی دامەزرێنەرەکانە کە بریتییە لە سەرۆکی دەستەی بەڕێوەبردن و جێگری سەرۆکی بەڕێوەبردن کە سەرپەرشتیاری لیژنەکان و بەشەکان دەکەن و بەم شێوەی خوارەوە: 

1. لێژنەی کارگیڕی و دارایی: بەرپرسە لە کاروباری بەڕێوەبردن وڕێکخستنی هەموو کارە کارگێڕێەکان وەک نووسراوە دەرکردەکان و هاتووەکان و ئەرشیفکردن و بەڕێوەبردنی هەموو بابەتە داراییەکان وەکو سەرپەرشتیکردنی خەرجیەکان داهاتەکان و ئامادەکردنی بودجە و چاودێری کردنی جووڵانەوەی دراوەکان بە پێی تۆمارێکی تایبەت بە گشت مامەڵە داراییەکان و هەروەها ڕێکخستنەوەی کارە کارگێڕیەکان لە نووسراوی هات و دەرکردە و بە بەڵگەکردنی چالاکیەکان و وەرگرتنی دواکاریەکانی بوون بە ئەندام و چاپکردن....هتد.
2. لیژنەی لێکۆڵینەوەکان: بەرپرسە لەسەر لێکۆڵینەوە و دڵنیابوون لەو ناوەڕۆکە ئەلیکترۆنیانەی کە لە تۆڕە کۆمەڵایەتیەکان و دەزگاکانی ڕاگەیاندنەکان بڵاو دەکرێنەوە، و ئەنجامدانی کارەکانیان لە تۆڕە کۆمەڵایەتیەکان لەسەر بنەمای نەهێنی دەبێت.
3. لێژنەی ڕاگەیاندن و پەیوەندیە گشتیەکان: بەپرسە لە پەیوەندی کردن بە ئاژانسەکانی ڕاگەیاندنی بینراو و بیستراو و خوێندراو بە مەبەستی ڕوماڵیکردنی چالاکی و پڕۆژەکانی ڕێکخراوەکە .هەروەها دەرکردنی بڵاوکراوەی ڕاگەیاندن و ناساندن و هۆشداری، لەگەڵ پەیوەندی کردن بە ڕێکخراوەکان و دەزگاکانی تر و کەسایەتییەکانی دەسەڵات و کۆمەڵگا بە مەبەستی ناساندنی بە ڕێکخراوەکەمان و کاروچاڵاکییەکانی.
4. بەشی تەکنەلۆژیای زانیارییەکان: بەرپرسە لە بەڕێوەبردنی گشت کارە تەکنیکیەکانی ڕێکخراوەکە لە دیزاین کردن و چارەسەرکردنی تەکنیکی و بەڕێوەبردنی ماڵپەڕەکەمان و لاپەڕەکانی تۆڕە کۆمەڵایەتیەکان کە تایبەتن بە ڕێکخراوەکەمان.
5. لێژنەی ڕاهێنان و تواناسازی: بەرپرسە لە پێشکەش کردنی ڕاهێنانە پێویستەکان بۆ پەرەپێدانی کارمەندانی ڕێکخراوەکە، و هەروەها سازدانی ڕاهێنان و تواناسازی بۆ دەزگا و ئەندامانی کۆمەڵگا لەو بوارانەی کە ئامانجەکانی ڕێکخراوەکەمانی بەدی دەهێنن.

1. لێژنەی بەرنامەکان و هاوکاریەکان: بەرپرسە لە بەڕێوەبردنی هاوکاریەکان و پەیوەندیکردن بە لایەنە بەخشێنەرەکان دەربارەی ڕێککەوتن و نووسین و پێشکەش کردنی پڕۆژەکان، وهەروەها بەڕێوەبردن و جێ بە جێ کردنی ئەو پڕۆژە و بەرنامانەی کە جێ بەجێ دەکرێن لە چوارچێوەی ئامانجەکانی ڕێکخراوەکە.
2. لێژنەی وەرگێڕان: بەرپرسە لە پێشکەش کردنی خزمەتگوزاریەکانی تایبەت بە وەرگێڕان لە چوارچێوەی ڕێکخراوەکە، واتا وەرگێڕانی هەواڵ و ئەو پۆستانەی کە لەلایەن ڕێکخراوەکە بڵاو دەکرێنەوە لە ماڵپەڕ و لاپەڕەی تۆڕە کۆمەڵایەتیەکان،  و هەروەها وەرگێڕانی ڕاپۆرتەکان و بەڵگەنامەکان و ڕێساکان و پڕۆژەکانی تایبەت بە ڕێکخراوەکە.

                       پێکهاتەی ڕێکخراوی تەکنەلۆجیا بۆ ئاشتی