بۆ ئەوەی ڕێکخراوەکەمان سەربەخۆ و بێلایەن بمێنێتەوە، هەموو ئەندامانی تیمەکە / خۆبەخشەکان لە پرۆسەی هەڵبژاردن و ڕاهێناندا ئاگادار دەکەینەوە کە ناتوانین پێشوازییان لێ بکەین ئەگەر سەر بە هەر لایەنێکی سیاسی بن، یاخود هەر چالاکیەکیان لەگەڵیان هەبێت. 

ئەندامانی تیمەکە ناتوانن پلاتفۆرمی تەکنەلۆجیا بۆ ئاشتی بەکاربهێنن بۆ ڕیکلامکردن یاخود قسەکردن دژی لایەنە سیاسییەکان یان هەر ڕێکخراوێکی تر.

بەرپرسان لێکۆڵینەوە دەکەن ئایا جگە لە ئەنجامی لێکۆڵینەوەکانمان هیچ شتێک بڵاوکراوەتەوە یاخود نا.

وتەبێژەکەمان (ئەوس ئەلسەعدی) لە وتارەکانیدا لە چاوپێکەوتنەکاندا بێلایەنە و پشتگیری هیچ لایەنێکی سیاسی و کەسایەتیەکی گشتی ناکات.

سەبارەت بە پۆستەکانمان، ئامانجمان بریتییە لە گەیاندنی هەواڵە راستەقینەکان بۆ فۆڵۆوەرەکان و خوێنەرەکانمان و بەرگری نەکردنە لە هیچ کەسێک، ئەمەش بەهۆی بێ لایەنیمان. بەهۆی کارکردنمان بۆ ماوەی شەش ساڵ ئەوە بووەتە شتێکی ئاسایی لەلایەن هاووڵاتیان، و تەنانەت شارەزایان لە حکومەتی عێراقی، کە بەباشی دڵنیا ببنەوە لەو هەواڵانەی کە دەیخوێننەوە پێش ئەوەی (دووبارە) بڵاوی بکەنەوە یاخود بینێرن. 

بۆ دڵنیابوونەوە لە ڕاستییەکان، ئەم خاڵانە پەیڕەو دەکەین:

1. پشت دەبەستین بە سەرچاوەی باوەڕپێکراو بۆ دڵنیابوونەوە لە هەواڵەکان.
2. هەندێک کات پشت دەبەستێن بە پەیوەندی ئەندامانی تیمەکەمان بۆ گەیشتن بە کەسێک یان لایەنێک بۆ پرسیار کردن لەسەر گرفتەکە.
3. تیمەکەمان / خۆبەخشەکان دەتوانن بە (8) زمانی جیاواز لە هەواڵەکان بکۆڵنەوە (عەرەبی وئینگلیزی و فەڕەنسی و هۆڵەندی و تورکی و کوردی و تورکمانی و فارسی).
4. تیمەکەمان / خۆبەخشەکان شارەزاییان لە بواری جیاوازهەیە، وەک (سیاسەت، ڕاگەیاندن، ئایین ، تەندروستی، تەکنەلۆژی، فەلەکناسی، کیمیا، زانستەکان، زۆر بواری تر) ، و  ئەمەش زۆر یارمەتیمان دەدات بۆ لێکۆڵینەوە لە هەواڵی ساختە.

هەموو کارەکانمان، بۆ نموونە، هاوتایە لەگەڵ ڕێساکانی Facebook  بەپێی ئەم بەستەرەی خوارەوە:

https://www.facebook.com/help/publisher/182222309230722