ئامانجی دامەزراوەکەمان:

ئێمە تەکنەلۆجیاین بۆ ئاشتی. ئێمە کار بۆ ئاشتی دەکەین لەگەڵ گرنگیدان بە مافە دیجیتاڵییەکان، ئاسایشی دیجیتاڵی، و بەرەنگاربوونەوەی زانیاری چەواشەکارانە و زانیاری هەڵە.  گەشتەکەمان لە عێراق دەستپێکرد بە بەرەنگاربوونەوەی زانیاری هەڵە و چەواشەکارانە، سەکۆیەکی پشکنینی ڕاستییەکانمان دروستکرد کە دەستڕاگەیشتنێکی بەرفراوانی هەبێت لە ناوچەی ڕۆژهەڵاتی ناوەڕاست و باکووری ئەفریقا و دەرەوەی.

ئەزموونی کارکردنمان لەسەر ئەرکەکەمان لە دۆخی ناجێگیر، و هەندێکجاریش بارودۆخی نائەمنی وڵاتێک دوای ململانێ، وای لێکردووین داهێنەر و پراکتیک و ئاڕاستەکراوبین بەرەو چارەسەر. ئێمە ئەپڵیکەیشنێکی تایبەت بە خۆمان پەرەپێدا بۆ پشکنینی ڕاستییەکان، و پلاتفۆرمی فێربوونی ئۆنڵاین، و هێڵێکی یارمەتیدەرمان دروستکرد بۆ باشترکردنی ئاسایشی دیجیتاڵی بۆ چالاکوانان، ڕۆژنامەنووسان، ژنان و چەندانی تر.

ئێمە ڕێکخراوێکی بەناوبانگ و متمانەپێکراوین کە ژمارەیەکی زۆر خۆبەخشمان هەیە کە پاڵنەرێکی زۆریان هەیە بۆ بەدیهێنانی ئاشتی لە کۆمەڵگاکەیان. ئێمە حەز دەکەین زانیاری و ئەزموونەکانمان بڵاوبکەینەوە، بۆیە ڕاهێنان پێشکەش دەکەین لەسەر بابەتەکانی وەک مافە دیجیتاڵییەکان، ئاسایشی دیجیتاڵی، بنیاتنانی ئاشتی سۆشیاڵ میدیا، سەرکردایەتی، و پشکنینی ڕاستییەکان.

ئێمە کاردەکەین بۆ ڕزگارکردنی ژیان، و زیادکردنی یەکگرتوویی کۆمەڵایەتی، و باشترکردنی ئاسایشی دیجیتاڵی، و بەرزکردنەوەی دەستڕاگەیشتن بە زانیارییە باوەڕپێکراوەکان، و هۆشیارکردنەوەی خەڵک لە مافە دیجیتاڵییەکان، و ئاسایشی دیجیتاڵی، و زانیاری هەڵە و چەواشەکارانە. ئێمە خزمەتگوزارییەکانمان لەسەر ناوچە ناسەقامگیرەکان چڕ دەکەینەوە، بە تایبەت لە ڕۆژهەڵاتی ناوەڕاست و باکووری ئەفریقا. لەگەڵ ئەوەشدا پێمان وایە کە زانیاری و ئەزموونەکەمان پەیوەندیدارە بە چەندین بابەتی کەوە. 

دیدگای ئێمە:

بەدیهێنانی ئاشتی و سەقامگیری لە ڕێگەی دانانی سنورێک بۆ ئەو ناڕاستییانەی کە لە ڕاگەیاندنەکان و تۆڕە کۆمەڵایەتیەکان بڵاو دەکرێنەوە لە رۆژهەڵاتی ناوەڕاست و بە تایبەت لە عێڕاق.

ئەرکەکانمان:

بنیبنیاتنانی هۆشیاری لە ڕێگەی بنیاتنانی توانا و هەڵمەتەکانی داکۆکی کردن و گەڕان و لێکۆڵینەوە لە ڕاستیەکان و داهێنانی تەکنیکی و چالاک کردنی سەلامەتی خەڵک و بەهێز کردنی مافەکانی مرۆڤ، وهەروەها زیادکردنی هەوڵە بە کۆمەڵەکان بە ئامانجی ئەوەی هەموو کەسێک ببێت بە تەکنەلۆجیا بۆ ئاشتی.

دروشمەکەمان:

"لەگەڵ ئێمە کۆتایی پێدێت" - کە ئاماژەیەکە بۆ کۆتایی پێهێنانی درۆ و توندوتیژی و تایەفەگەری و شەڕی ناوخۆ و ناسەقامگیری و گەندەڵی و رق وکینە و ڕەشبگێری و هێرشی کەسی، و چەندین بابەتی تر چونکە سەر هەڵدانی ئەم بابەتانە بەهۆی بڵاوبونەوەی دەنگۆ و درۆیە - ئەرکی سەرەکیمان ئاشکرا کردنی ئەو درۆیانەیە.

بەها سەرەکییەکانمان:

بێ لایەنی، ئاشتی خوازی، هۆشداری، ڕاستی، لێبوردەیی.

بەهاکانمان:

شەفافیەت و تەکنەلۆژیا و متمانە و ئاسایش.