تەکنەلۆجیا بۆ ئاشتی
ڕاستی پشت ئەو وێنەیە چییە کە بڵاوکراوەتەوە گوایە محەمەد قەنتەری ڕاوێژکاری کاروباری باڵیۆزخانەی سوریا لە واشنتۆن لەگەڵ تۆم باراک نوێنەری ئەمریکا بۆ سوریا نیشان دەدات؟
لە تۆڕە کۆمەڵایەتییەکاندا وێنەیەک بڵاوکراوەتەوە لەگەڵ دەقێکدا کە دەڵێت "محەمەد قەنتەری، بەرپرسی کاروباری باڵیۆزخانەی سوریا لە واشنتۆن، لەگەڵ تۆم باراک كۆبووەوە".
ڕاستییەکە
ئەو وێنەیەی کە بڵاوکراوەتەوە و گوایە محەمەد قەنتەری بەرپرسی کاروباری باڵیۆزخانەی سوریا لە واشنتۆن لەگەڵ تۆم باراک، نوێنەری ئەمریکا بۆ سوریا نیشان دەدات، ڕاستی نییە و دەستکاری کراوە، بەو پێیەی وێنە ڕەسەنەکە بە بەکارهێنانی بەرنامەکانی دەستکاریکردنی وێنە دەستکاری کراوە.
گەڕانی پێچەونەمان ئەنجامدا بۆ وێنەکە، دەرکەوت وێنەکە لەلایەن هەژماری فەرمی باڵیۆزخانەی سوریا لە واشنتۆن لە بەرواری 13ی ئایاری 2026 بڵاوکراوەتەوە، لە وێنەکەدا محەمەد قەنتەری، بەرپرسی کاروباری باڵیۆزخانەی کۆماری عەرەبی سوریا لە ئەمریکا، لەگەڵ باڵیۆز تۆماس باراک، نێردەی تایبەتی ئەمریکا لە سوریا، لە واشنتۆن نیشاندەدات.
هەروەها دەرکەوت کە وێنەکە بە بەکارهێنانی بەرنامەکانی دەستکاریکردنی وێنە دەستکاری کراوە، گۆڕانکاری لە شێوەی ئەو کەسەدا کراوە کە لە وێنەکەدا دەرکەوتووە، لەوانە گەورەکردنی قەبارەی و کورتکردنەوەی باڵای.
محەمەد قەنتەری کێیە؟
بەرپرسی کاروباری باڵیۆزخانەی سوریایە لە واشنتۆن، لە شارۆچکەی تەیر مەعالەح لە پارێزگای حومس لەدایکبووە، خاوەنی بڕوانامەی ئەندازیاری شارستانییە لە زانکۆی نێودەوڵەتی قوبرس، لەدوای ڕووخانی ڕژێمی ئەسەد، لە لیژنەی کاروباری سیاسی کە ئەرکی سەرپەرشتیکردنی کاروباری باڵیۆزخانە و باڵیۆزەکانی لە سوریا پێسپێردرابوو، ناوبراو لە مەلەفی پەیوەندییەکانی سوریا و ئەمریکا کاری کردووە، پاشان لە مانگی ئایاری 2025 وەک جێگری بەڕێوەبەری وەزارەتی ئەمریکا لە وەزارەتی دەرەوەی سوریا دەستنیشانکرا، لە مانگی یەکی ساڵی 2026، دەزگاکانی ڕاگەیاندنی نزیک لە حکومەت چەند ڕاپۆرتێکیان بڵاوکردەوە سەبارەت بە دامەزراندنی وەک بەرپرسی کاروباری سوریا لە باڵیۆزخانەی سوریا لە واشنتۆن، هەرچەندە هیچ ڕاگەیاندنێکی فەرمی لەوبارەیەوە دەرنەکرا.
