تەکنەلۆجیا بۆ ئاشتی
ڕاستی ئەو ڤیدیۆیە چییە کە بڵاوکراوەتەوە گوایە ساتی تەقینی تایەی بارهەڵگرێک لەسەر ڕێگایەکی دەرەوەی کۆماری میسری عەرەبی نیشاندەدات؟
لە تۆڕە کۆمەڵایەتییەکاندا ڤیدیۆیەک بڵاوکراوەتەوە گوایە ئەو ساتە دەردەخات کە تایەی بارهەڵگرێک لەکاتی ڕۆیشتنی لەسەر ڕێگایەکی دەرەکی لە کۆماری میسری عەرەبی دەتەقێت و بەو هۆیەوە بە شێوەیەکی مەترسیدار لار دەبێتەوە و نزیک دەبێتەوە لە وەرگەڕان، پێش ئەوەی بارهەڵگرێکی دیکە بچێتە تەنیشیتی بۆ پشتگیریکردنی، ئەمەش یارمەتیدەر بووە بۆ ڕێگریکردن لە وەرگەڕانی ئۆتۆمبێلەکە.
ڕاستییەکە
هەرچەندە ڕووداوی وەرچەرخانی بارهەڵگرێک لەسەر یەکێک لە ڕێگاکانی دەرەوەی کۆماری میسری عەرەبی ڕاستە و بارهەڵگرێکی دیکەش دەچێتە تەنیشتی بۆ پاڵپشتیکردن و ڕێگریکردن لە وەرگەڕانی، بەڵام دیمەنی یەکەمی ڤیدیۆکە کە بانگەشەی ئەوە دەکات ساتی تەقینی تایەی بارهەڵگرەکە پیشان دەدات، دروستکراوە بە بەکارهێنانی تەکنیکەکانی زیرەکی دەستکرد دروستکراوە و ڕاستەقینە نییە.
گەڕانی پێچەوانە ئەنجامدا بۆ چەند گرتەیەک لە ڤیدیۆکە، دەرکەوت کە بەشی یەکەمی ڤیدیۆکە کە ساتی تەقینی تایەی بارهەڵگرەکە نیشاندەدات ساختەیە، بە بەکارهێنانی تەکنیکەکانی زیرەکی دەستکرد دروستکراوە، ئەمەش دەتوانرێت ئاماژە پێبدرێت لەڕێگەی جیاوازی تایبەتمەندی و دیزاینی ئەو بارهەڵگرانەی لەم بەشەی ڤیدیۆکەدا دەردەکەون، بە بەراورد بەو بارهەڵگرانەی لە ڤیدیۆ ڕاستەقینەکەدا دەردەکەون، کە هیچ دیمەنێکی تێدا نییە ساتی تەقینی تایەی بارهەڵگرەکە نیشان بدات.
بڵاوبوونەوەی ئەو بەشە ساختەی ڤیدیۆکە دوای بڵاوبوونەوەی ئەو ڤیدیۆ ڕەسەنەکە دێت، کە ئەو ساتەی نیشاندەدات کە بارهەڵگرێک لار دەبێتەوە و هاوسەنگی لەدەست دەدات دوای ئەوەی یەکێک لە تایەکانی دواوەی دەتەقێت لەکاتی لێخوڕینی لەسەر یەکێک لە ڕێگاکانی دەرەوەی کۆماری میسری عەرەبی، کە نزیک بوو ببێتە هۆی وەرگەڕانی و ڕووداوێکی سەختی لێ بکەوێتەوە.
هاوکات شۆفێری بارهەڵگرێکی دیکە کە لە پشتیەوە دەڕۆیشت دەستوەردانی کرد و لە ماوەی چەند چرکەیەکدا چووە تەنیشتی بۆ ئەوەی پاڵپشتی بارهەڵگرە کە بکات و ڕێگری لە وەرگەڕانی بکات، لە کارێکدا کە یارمەتیدەر بوو لە دوورکەوتنەوە لە کارەساتێکی دڵتەزێن و پاراستنی بەکارهێنەرانی ڕێگاکە لە ڕووداوێکی سەخت.
بەپێی هەواڵی میدیا میسرییەکان، شۆفێری بارهەڵگرەکە بەناوی عیماد جەلال، ڕایگەیاندووە، دەستێوەردانەکەی لەخۆوە بووە، دوای ئەوەی بینیویەتی بارهەڵگرەکە لەبەردەمیدا لار بووەتەوە، بۆیە بەبێ دوودڵی پەلە دەکات بۆ یارمەتیدانی، ڕوونیشیکردەوە، هۆکاری وەرچەرخانی بارهەڵگرەکە تەقینەوەی تایەی ئۆتۆمبێلەکە نەبووە، وەک ئەوەی لە تۆڕە کۆمەڵایەتییەکاندا بڵاوکراوەتەوە، بەڵکو پچڕانی سیستەمی هەڵپەساردنی ئۆتۆمبێلەکە بووە.
عیماد جەلال ئاماژەی بەوەشکرد، لەکاتی ڕووداوەکەدا هەستی بە ترس نەکردووە، جەختی لەوەشکردەوە کە تاکە خەمی ئەو لەو ساتەدا ئەوە بووە کە ڕێگری لە ڕوودانی ڕووداوێک بگرێت، هەروەها ئاماژەی بەوەدا کە هەر کە دۆخەکە تەواو بوو شوێنەکەی بەجێهێشتووە، بەبێ ئەوەی چاوەڕێی سوپاسگوزاری بکات و تەنانەت شۆفێری بارهەڵگرەکەش بناسێت کە یارمەتی داوە بۆ ڕزگارکردنی.
