تەکنەلۆجیا بۆ ئاشتی
ڕاستی ئەو وێنەیە چییە کە بڵاوکراوەتەوە گوایە یەکێک لەو ئامێرانەی کە بەرگەهەوا کۆنتڕۆڵ دەکات نیشان دەدات؟
لە تۆڕە کۆمەڵایەتییەکاندا ڤیدیۆیەک بڵاوکراوەتەوە لەگەڵ دەقێکدا کە دەڵێت "پڕۆژەی HAARP، دزینی دڵۆپە بارانەکان پێش ئەوەی دەست بخەنە سەر زەوی".
ڕاستییەکە
ئەو وێنەیەی کە بڵاوکراوەتەوە و گوایە ڕادارێکی HAARP نیشان دەدات کە دڵۆپە باران دەدزێت، ساختەیە، وێنەکە لە ڕاستیدا SBX (ڕاداری دەریایی X-band) نیشان دەدات، کە هەستەوەری سەرەکییە بۆ بەدواداچوون و بەشداریکردن لە سیستەمی GBI. جگە لەوەش، ئەو دەنگۆیانەی سەبارەت بە بوونی بەناو "بەرنامەی HAARP" لە ئیمارات و بەکارهێنانی بۆ "دزینی هەور" کە بەرەو ئێران و عێراق دەڕوات و گوایە لە بەرهەمهێنانی ئەمریکا و ئیسرائیلە و دواتر بە ئامانجکرا، چەواشەکارانەیە و هیچ بنەمایەکی زانستی و ڕاستییان نییە.
گەڕانی پێچەوانەمان ئەنجامدا بۆ وێنەکە، دەرکەوت کە لە ساڵی 2014 لەلایەن ماڵپەڕێکی ئوسترالییەوە بڵاوکراوەتەوە، کە ڕاداری SBX (X-band marine radar) نیشان دەدات، کە هەستەوەری سەرەکییە بۆ شوێنپێهەڵگرتن و بەشداریکردن لە سیستەمیGBI (Ground-Based Interceptor - ڕێگریکەری بنچینەیی زەوی).
ئەم ڕادارە جۆرێکە لە ڕیزبەندی سکانکراوی ئەلیکترۆنی چالاک (AESA)، تیرەکەی 22 مەتر و بە 45,056 یەکەی گواستنەوە و وەرگرتن ڕووپۆش کراوە. هەروەها وێنەکە چوارچێوەی پشتگیری ڕیزبەندی لە قۆناغی دروستکردندا نیشان دەدات، لەگەڵ پلاتفۆرمی جێگیرکردن و کەڤەری ئەنتێنەکە، ئەوەش بەپێی ئاژانسی بەرگری مووشەک (MDA).
پرۆگرامی HAARP لە بنەڕەتدا پڕۆژەیەکی زانستییە و لە ویلایەتە یەکگرتووەکانی ئەمریکا و بە تایبەتی لە ویلایەتی ئەلاسکا دامەزراوە و ئامانجی لێکۆڵینەوەیە لە ئایۆنۆسفێر کە چینێکی سەرەوەی بەرگەهەوایە، بەکاردت بۆ مەبەستی توێژینەوە کە پەیوەندی بە پەیوەندی و دیاردە فیزیکیەکانەوە هەیە، و هیچ پەیوەندییەکی بە کۆنترۆڵکردنی کەشوهەوا نییە.
لەڕووی زانستییەوە ئەم بەرنامەیە یان هەر بەرنامەیەکی تر ناتوانێت "هەور بدزێت" یان ئاراستەی وڵاتانی دیکەی بکات، چونکە هەور لە چینە خوارەوەکانی بەرگەهەوادا دروست دەبێت کە بە ترۆپۆسفێر ناسراوە، لەکاتێکدا بەرنامەی HAARP بە چینە زۆر بەرزترەکان کاردەکات، ئەمەش لەڕووی زانستییەوە هەبوونی کاریگەری لەسەر کەشوهەوا مەحاڵ دەکات.
ئەوەی هەندێک جار لەگەڵ ئەم بانگەشانە تێکەڵ دەکرێت، تەکنیکەکانی تۆوکردنی هەورە، کە تەکنیکە ڕاستەقینەکانن کە لە هەندێک وڵاتدا بەکاردەهێنرێن، لەنێویاندا ئیمارات، بە ئامانجی زیادکردنی ئەگەری بارانبارین، بەڵام ئەم تەکنیکانە کاریگەرییەکی سنوورداریان هەیە و ڕێگە بە گواستنەوەی هەورەکان لە وڵاتێکەوە بۆ وڵاتێکی دیکە یان کۆنترۆڵکردنی تەواوەتی کەشوهەوا نادەن.
هەروەها هیچ بەڵگەیەکی زانستی یان ڕاپۆرتێکی فەرمی نییە کە بوونی پرۆگرامی "HAARP" یان دامەزراوەکانی لە چوارچێوەی ئیماراتی یەکگرتووی عەرەبیدا بسەلمێنێت، بەڵکو ناوەندەکانی تۆوکردنی هەور لە ئیمارات وەک دامەزراوەی مەدەنی ڕاگەیەندراون کە پشت بەو فڕۆکانە دەبەستن کە بڵێسەی خوێ (خوێ و کلۆریدی پۆتاسیۆم) بڵاو دەکەنەوە بۆ هاندانی باران، کە تەکنەلۆژیایەکە دەیان وڵات بەکاریدەهێنن.
لەلای خۆیەوە ڕێکخراوی کەشناسی عێراق ڕۆژی دووشەممە 20ی نیسانی 2026 ئەو دەنگۆیانەی ڕەتکردەوە کە باس لە "دزینی هەور" دەکەن، ئاماژەی بەوەدا کە هیچ بنەمایەکی زانستییان نییە.
عامر جابری، بەڕێوەبەری ڕاگەیاندنی ڕێکخراوەکە بە ئاژانسی هەواڵی عێراقی ڕاگەیاند:
"ئەوەی لە میدیاکاندا بڵاودەبێتەوە سەبارەت بە "دزینی هەور" هیچ بنەمایەکی زانستی نییە و دوورە لە ڕاستییەوە".
ئاماژەی بەوەشکردووە:
"ئەو هەواڵانەی لە هەندێک لاپەڕەدا باس لە دزینی هەور یان دەستکاریکردنی کەشوهەوا دەکەن، نادروستن".
ئەم جۆرە بانگەشانە بەزۆری لە کاتی گۆڕانی کەشوهەوا یان دیاردەی نائاسایی کەشوهەوادا بڵاودەبنەوە، کە پەیوەندییان بە تیۆرییە پیلانگێڕییەکانەوە هەیە کە لەسەر بنەمای ڕاستییە زانستییەکان نین.
سەبارەت بە هۆکارەکانی گۆڕانی بارانبارین لە عێراق، توێژینەوەکانی کەشوهەوا ئاماژە بەوە دەکەن کە ناوچەی ڕۆژهەڵاتی ناوەڕاست بە عێراقیشەوە بەدەست دابەزینی ڕێژەی بارانبارینەوە دەناڵێنێت لە ئەنجامی گۆڕانی کەشوهەوا و بەرزبوونەوەی پلەکانی گەرما. هەروەها عێراق ڕووبەڕووی دابەزینی بەرچاوی ئاستی ڕووبارەکانی دیجلە و فورات بووەتەوە، کە هێڵی ژیانی زیاتر لە 90%ی دانیشتوانی ئەو وڵاتەن. ئەمەش دەگەڕێتەوە بۆ تێکەڵەیەک لە هۆکارەکان، لەوانە گۆڕانی کەشوهەوا و کەمبوونەوەی بارانبارین، ئەمە جگە لە سیاسەتی ئاو لە وڵاتانی دراوسێ، وەک دروستکردنی بەنداو لەسەر سەرچاوەی ڕووبارەکان، ئەمەش بووەتە هۆی کەمبوونەوەی پشکی ئاوی عێراق. ڕاپۆرتەکانی نەتەوە یەکگرتووەکان ئاماژە بەوە دەکەن کە عێراق یەکێکە لەو وڵاتانەی کە زۆرترین کاریگەری گۆڕانی کەشوهەوای لەسەرە لەسەر ئاستی جیهان.
