ڕاستی ژمارەی قوربانیانی ڕوداوەکەی بەسڕە چین؟
![](https://t4p-storage.eu-central-1.linodeobjects.com/vDiooOLsRHqaSsryvwPwXUe8epa5yRn8vz8B9dZw.png)
دوای ئەوەی دوێنێ لە ناوچەی هارسەی پارێزگای بەسڕە کارەساتێکی دڵتەزێن ڕوویدا، کە بارهەڵگرێک چەند قوتابیەکی قوتابخانەی (زەینەب سەرەتایی) شێلا، بەکارهێنەرانی تۆڕە کۆمەڵایەتییەکان هەستان بە بەکارهێنانی ئەو ڕووداوە و بڵاوکردنەوەی زانیاری نادروست، هەندێکیان وایان بڵاوکردەوە گوایە ژمارەی قوربانیان گەشتوەتە 50 منداڵ، و هەندێکیان وتوویانە کە ژمارەی قوربانیان گەشتوەتە 20 کەس، بەڵام لە ڕاستیدا و بەداخەوە 6 قوتابی گیانیان لەدەستداوە و 9 قوتابیش برینداربوونە، ئەوەش بەپێی وتەکانی بەڕێوەبەری گشتی تەندروستی بەسڕە (عەباس تەمیمی)کە ڕایگەیاندووە ئەوە ئاماری کۆتایی قوربانیانی ڕوداوەکەیە.
لێرەوە داواتان لێدەکەین بە وشیاری هەواڵەکان بگوازنەوە و ڕوداوەکان بەکار نەهێنن بۆ بەدەست هێنانی لایک و کۆمێنت.
خوای گەورە لە قوربانیان خۆشبێت و شیفای خێرا بۆ گشت بریندارەکان بنێرێت.
![](/images/real_sources_ku.png)