تەکنەلۆجیا بۆ ئاشتی
ڕاستی ئەو ڤیدیۆیە چییە کە بڵاوکراوەتەوە گوایە ئۆتۆمبێلێک نیشاندەدات کە بە هەڵە خۆی دەکات بەناو مزگەوتی حەرامدا لە مەکک؟
لە تۆڕە کۆمەڵایەتییەکاندا ڤیدیۆیەک بڵاوکراوەتەوە لەگەڵ دەقێکدا کە دەڵێت "ئۆتۆمبێلێک کە شۆفێرەکەی خەڵکی سوودانە بە هەڵە خۆی دەکات بەناو مزگەوتی حەرامدا لە مەکک".
ڕاستییەکە
ئەو ڤیدیۆیەی کە بڵاوکراوەتەوە گوایە ئۆتۆمبێلێک کە شۆفێرەکەی سودانییە بە هەڵە خۆی دەکات بەناو مزگەوتی حەرامدا لە مەککە، کۆنە و نوێ نییە، دەگەڕێتەوە بۆ ساڵی 2020.
گەڕانی پێچەوانەمان ئەنجامدا بۆ چەند گرتەیەک لە ڤیدیۆکە، دەرکەوت کە پێشتر لەلایەن دەزگاکانی ڕاگەیاندن لە بەرواری 30 تشرینی یەکەمی 2020 بڵاوکراوەتەوە، ڤیدیۆکە ڕووداوێک نیشان دەدات کە ئۆتۆمبێلێک دوای ئەوەی لە ڕێڕەوی خۆی لایداوە، بەربەستەکانی دەوروبەری مزگەوتی حەرام لە مەککەی پیرۆزی دەبەزێنێت، پاشان خۆی بە یەکێک لە دەروازەکانی مزگەوتی حەرام دەدات.
جاروبار ژمارەیەک ڤیدیۆ و وێنەی کۆن لە تۆڕە کۆمەڵایەتییەکاندا دووبارە بڵاودەکرێنەوە، گوایە ڕووداوی تازە نیشان دەدەن. ئەمەش دەبێتە هۆی بەهەڵەبردنی بینەران و دروستکردنی تێڕوانینێکی هەڵە سەبارەت بە کاتی ڕووداوەکە.
یەکێک لەو هەواڵانە، ڤیدیۆیەکە کە گوایە هێرشی حوسییەکان بۆ سەر شاری مەککەی پیرۆز نیشان دەدات، بەڵام دوای لێکۆڵینەوە دەرکەوت کە ڤیدیۆکە کۆنە و دەگەڕێتەوە بۆ ساڵی 2025.
هەروەها ڤیدیۆیەکی دیکە بڵاوکراوەتەوە گوایە هێرشێکی ئەو دواییانەی حوسییەکان بۆ سەر بۆری نەوتی خاوی "رۆژهەڵات-رۆژئاوا" نیشاندەدات، بەڵام دوای لێکۆڵینەوە دەرکەوت کە ڤیدیۆکە کۆنە و دەگەڕێتەوە بۆ ساڵی 2022، کە هێرشێکی حوسییەکان نیشان دەدات بۆ سەر کۆگایەکی نەوتی کۆمپانیای ئارامکۆی سعودی لە جەددە.
