تەکنەلۆجیا بۆ ئاشتی
ڕاستی ئەو وێنەیە چییە کە بڵاوکراوەتەوە گوایە هادی عامری نیشاندەدات کە ژێر چاوی کوتراوە؟
لە تۆڕە کۆمەڵایەتییەکاندا وێنەیەک بڵاوکراوەتەوە لەگەڵ دەقێکدا کە دەڵێت "نوێترین وێنەی هادی عامری لە دوای رووداوەکەی ڤیستفاڵی زیقار کە تیادا گرژی و ئاڵوزی دروست ببو".
ڕاستییەکە
ئەو وێنەیەی بڵاوکراوەتەوە کە گوایە ڕوخساری هادی عامری سکرتێری گشتی ڕێکخراوی بەدر نیشان دەدات، ڕاستی نییە، دەرکەوت کە وێنەکە بە زیرەکی دەستکرد دروستکراوە.
لە کاتی پشکنینی وێنەکە بە بەکارهێنانی ئامرازی تایبەت بە شیکاری وێنە، ئەنجامەکان دەریانخست کە ڕاستی نییە و بە ڕێژەیەکی زۆر بەرز بە تەکنیکەکانی زیرەکی دەستکرد دروستکراوە.
هەروەها لەکاتی شیکردنەوەی وێنەکە لە ڕێگەی ئامرازی Gemini گووگڵ و لەسەر بنەمای شیکردنەوەی تەکنیکی وێنەکە دەرکەوت کە ڕاستەقینە نییە و هەندێک نیشانەی گوماناوی تێدایە کە دەکرێت ئاماژە بن بۆ دەستکاریکردن یان دروستکردنی بە زیرەکی دەستکرد.
سەرەڕای ئەوەش، وێنەکە هەندێک وردەکاری ناجێگیر نیشان دەدات کە بەزۆری لە وێنە دیجیتاڵییەکاندا دەردەکەون، وەک پێکهاتەی پێست لە شوێنی برینەکان و وردەکارییەکانی تێکەڵکردنی قژ و ڕیش لەگەڵ دەموچاو، کە نیشانەی باوە لە ناوەڕۆکی دیجیتاڵی دەستکاریکراودا.
هادی فەرحان ئەلعامری کێیە؟
لە ساڵی 1954 لە پارێزگای دیالە لەدایک بووە، پۆستی ئەمینداری گشتی ڕێکخراوی بەدری هەیە، یەکێکە لە سەرکردەکانی چوارچێوەی هەماهەنگی لە عێراق.
لە ساڵی 1974 بڕوانامەی بەکالۆریۆسی لە کارگێڕی و ئابووری لە زانکۆی بەغدا بەدەستهێناوە و لە سەرەتای گەنجیدا شوێنکەوتووی دەسەڵاتی ئایینی محەمەد باقر ئەلسەدر بووە.
ساڵی 1982 لەگەڵ محمد باقر ئەلحەکیم بەشداری لە دامەزراندنی ئەنجوومەنی باڵای شۆڕشی ئیسلامی لە عێراقدا کردووە، کە دواتر فەیلەقی بەدر، باڵی سەربازیی ئەنجوومەنەکە لێیەوە سەریهەڵدا.
ئەلعامری چەندین پۆستی سیاسی هەبووە، لەوانە ئەندامێتی لە ئەنجومەنی نوێنەرانی عێراق لە نێوان ساڵانی 2014 بۆ 2020، کە سەرۆکایەتی لیژنەی ئاسایش و بەرگریی پەرلەمان بووە. هەروەها پێشتر لە ماوەی (2010-2014) پۆستی وەزیری گواستنەوەی هەبووە.
