تەکنەلۆجیا بۆ ئاشتی
ڕاستی ئەو وێنەیە چییە کە بڵاوکراوەتەوە گوایە پەیامێکی ئێران لەسەر یەکێک لەو مووشەکانە نیشاندەدات کە بەرەو ئیمارات هەڵیداوە؟
لە تۆڕە کۆمەڵایەتییەکاندا وێنەیەک بڵاوکراوەتەوە لەگەڵ دەقێکدا کە دەڵێت "سوپای پاسدارانی ئێران لەسەر یەکێک لەو مووشەکانەی دوێنێ تەقاندیان، نامەیەکی بۆ ئیمارات نووسیوە:"خۆشەویستم، کاتێک ویلایەتە یەکگرتووەکان دەڕوات، ئیتر تەنیا من و تۆ دەمێنینەوە".
ڕاستییەکە
ئەو وێنەیەی کە بڵاوکراوەتەوە و گوایە پەیامێکی ئێرانە کە لەسەر یەکێک لەو مووشەکانە نوسراوە کە بەرەو ئیمارات هەڵدراوە، ڕاستەقینە نییە، دەرکەوت وێنەکە بە بەکارهێنانی تەکنیکەکانی زیرەکی دەستکرد دروستکراوە.
لە کاتی پشکنینی وێنەکە بە بەکارهێنانی ئامرازە تایبەتەکانی شیکاری وێنە، ئەنجامەکان دەریانخست کە ناڕاستەقینەیە و بە ڕێژەیەکی زۆر بەرز بە بەکارهێنانی تەکنیکەکانی زیرەکی دەستکرد دروستکراوە.
هەروەها بە شیکارکردنی وێنەکە بە بەکارهێنانی ئامرازی Gemini ی گووگڵ، دەریخست کە بەشێک لەم ناوەڕۆکە دەستکاری کراوە یان بە بەکارهێنانی تەکنەلۆژیای زیرەکی دەستکردی گووگڵ دروست کراوە.
بڵاوکردنەوەی ئەم وێنە ساختەیە دوای ئەوە دێت کە وەزارەتی بەرگری ئیمارات ڕایگەیاند کە لە 8ی ئایاری 2026 بەرگری ئاسمانی ئیمارات مامەڵەیان لەگەڵ دوو مووشەکی بالیستیک و سێ فڕۆکەی بێفڕۆکەوان کردووە کە لە ئێرانەوە هاتوون و لە ئەنجامدا سێ برینداری مامناوەندی لێکەوتەوە.
تعاملت الدفاعات الجوية الإماراتية مع 2 صاروخ باليستي و3 طائرات مسيّرة.
— وزارة الدفاع |MOD UAE (@modgovae) May 8, 2026
أعلنت وزارة الدفاع أنه في 8 مايو 2026، تعاملت الدفاعات الجوية الإماراتية مع 2 صاروخ باليستي و3 طائرات مسيّرة قادمة من إيران، أسفرت عن 3 إصابات متوسطة.
ومنذ بدء الاعتداءات الإيرانية السافرة على دولة… pic.twitter.com/LBMI0xMuUa
لەبەرامبەردا بارەگای خاتەم ئەنبیا ڕایگەیاندووە کە هێزەکانی ئێران لە چەند ڕۆژی ڕابردوودا هیچ ئۆپەراسیۆنێکی مووشەکی و هێرشی فڕۆکەی بێفڕۆکەوانیان لەدژی ئیمارات ئەنجام نەداوە و دەشڵێت: ئەگەر لە خاکی ئیماراتەوە هەر کارێک لەدژی دوورگەکانمان، بەندەرەکانمان، یان کەناراوەکانمان بگیرێتەبەر، ئەوا زۆر بەتوندی وەڵام دەدەینەوە.
شەڕ و پەرەسەندنی سەربازی نێوان ئەمریکا و ئێران لە کۆتایی مانگی شوباتی 2026 دەستی پێکرد، کاتێک ئەمریکا بە هاوکاری ئیسرائیلی داگیرکەر هێرشی ئاسمانی بەرفراوانی ئەنجامدا و شوێنە سەربازی و حکومییەکانی ناو ئێرانی کردە ئامانج.
دانوستانی ناڕاستەوخۆ لە نێوان واشنتۆن و تاران دەستی پێکرد، بە نێوەندگیری وڵاتانی وەک سویسرا، پاکستان و عومان, ئەم دانوستانانە لەسەر بەرنامەی ئەتۆمی ئێران و هەڵگرتنی گەمارۆ ئابوورییەکان و دامەزراندنی ئاگربەست لە ناوچەی کەنداوی فارس بوو.
بەرپرسانی هەردوولا باسیان لە "پێشکەوتن" کرد لە دانوستانەکاندا، بەڵام ناکۆکی لەسەر پیتاندنی یۆرانیۆم و سزاکان بەردەوام بوو. لە مانگی نیسانی ساڵی 2026دا، سەرەڕای پێکدادانی نوێی دەریایی لە گەرووی هورمز، پەیوەندییە دیپلۆماسییەکان بەردەوام بوون. ئەمریکا پێشنیاری ئاگربەستی 60 ڕۆژەی کرد وەک پێشەکییەک بۆ ڕێککەوتنێکی فراوانتر، بەڵام ئێران هەندێک لە مەرجەکانی بە قبوڵنەکراو زانی.
هێشتا دانوستانەکان بەردەوامن لە کاتێکدا نیگەرانی نێودەوڵەتی سەبارەت بە ئەگەری پەرەسەندنی سەربازی فراوانتر و کاریگەرییە لەسەر ئابووری جیهانی و نرخی نەوت و سەقامگیری لە ناوچەی ڕۆژهەڵاتی ناوەڕاست بەردەوامە.
