تەکنەلۆجیا بۆ ئاشتی
ڕاستی ئەو ڤیدیۆیە چییە بڵاوکراوەتەوە کە تێیدا جەماوەر دروشم دەڵێنەوە لە یاریگای عومانی نێودەوڵەتی؟
بەهۆی زۆری ڕێژەی ئەو پرسیارانەی کە پێمان گەیشتووە سەبارەت بە ڕاستی ئەو ڤیدیۆیەی بڵاوکراوەتەوە، کە تێیدا هەواداران دروشمی "ئەی عێراقی، ئەی گە***، بڕۆ بۆ بەغدا" دەڵێنەوە، دەرکەوت کە #ڕاستەقینەیە و دروستکراو نییە، و مێژووەکەی دەگەڕێتەوە بۆ یارییەکەی پێنجشەممەی ڕابردووی نێوان ئوردن و فەلەستین.
چۆن پشتڕاستمان کردەوە؟
هەستاین بە لێکۆڵینەوە لەو ڤیدیۆیەی بڵاوکراوەتەوە لە ڕێگەی گەڕان بە ناوەڕۆکی وەرزشی لەسەر تۆڕە کۆمەڵایەتییەکان, بۆمان دەرکەوت کە:
- ئەو ڤیدیۆیەی کە جەماوەرەکە نیشاندەدات لە کاتی وتنەوەی درووشمەکە، دەگەڕێتەوە بۆ یارییەکەی پێنجشەممەی ڕابردوو 20ی ئازاری 2025، لە نێوان هەڵبژاردەی ئوردن و فەلەستین، ئەوەش لە ڕێگەی ڤیدیۆیەک کە ڕۆژی پێنجشەممە لە تیک تۆک بڵاوکراوەتەوە، کە لە گۆشەیەکی جیاوازەوە جەماوەرەکەی پیشان دەدا. بە بەراوردکردنی ئەو کەسانەی ناو ڤیدیۆکە لەگەڵ ئەوانەی لە ڤیدیۆکەی ئەم دواییەدا بڵاوبووەتەوە، دەرکەوت لێکچوونێکی تەواو هەیە لە شوێنی تۆمارکردنی ڤیدیۆکە لەگەڵ ئەو کەسانەی لە ڤیدیۆکەدا دەردەکەون.
شایانی باسە ئەو ڤیدیۆیەی دەستمان کەوتووە لە کاتێکی جیاوازدا گیراوە لەگەڵ کە لە ڤیدیۆیەی کە بڵاوکراوەتەوە و تێیدا دروشمە خراپەکە دەڵێنەوە، بەو پێیەی دروشمێکی جیاواز پیشان دەدات: "ئێمە ئوردنیین، نیشتمانپەروەرین، سەرکردەکەمان عەبدوڵڵایە، داڵی هاشمییەکانە". ئەمەش وایکرد بەشێک لە بەکارهێنەرانی تۆڕە کۆمەڵایەتیەکان ڕاستی ڤیدیۆی وتنەوەی دروشمە هێرشبەرەکە ڕەتبکەنەوە، و ئیدیعای ئەوە بکەن کە دروشمێکی جیاواز دەڵێنەوە.
- تۆماری دەنگی دروشمە هێرشبەرەکە ڕاستەقینەیە و دروستکراو نییە. ئەمەمان لە ڕێگەی ڤیدیۆی سێیەمەوە دۆزیەوە کە بەم دواییە بڵاوکراوەتەوە، کە لە ڕێگەی پلاتفۆرمی سناپچات تۆمارکراوە، بەپێی شێوازی نوسینی پلاتفۆرمەکە.
لە ڤیدیۆکەدا هەمان هاندەران لە هەمان شوێنی یاریگاکەدا دەردەکەون، کە هەمان هاندەرانن کە لە ڤیدیۆی دروشمە هێرشبەرەکە و ڤیدیۆکەی تردا بینراون کە پێشتر بەدەستمان هێنابوو.
- هەروەها ڤیدیۆی سێیەم لە گۆشەیەکی جیاوازەوە گیراوە و هەمان دروشمی هێرشبەرانەی تێدایە ، ئەمەش ئاماژەیە بۆ ڕەسەنایەتییەکەی.
هەروەها لە کاتی پشکنینی ڤیدیۆکەدا دەتوانی تێبینی ئەوە بکەیت کە جوڵەی لێوی یەکێک لە هاندەرەکان لەگەڵ دەرچوونی پیتەکانی دروشمە هێرشبەرەکە دەگونجێت، بەتایبەتی پیتی (واو) ، وەک لە وێنەی خوارەوەدا دەردەکەوێت.
ئەو ڤیدیۆیەی کە دروشمێکی دژی عێراقی تێدایە بڵاوکراوەتەوە لە دوای ئەوەی هەڵبژاردەی عێراق لە پاڵاوتنەکانی ئاسیا بۆ مۆندیالی 2026 بە هاوتا فەلەستینییەکەی دۆڕا، لە کاتێکدا فەلەستین لە خولەکەکانی کۆتاییدا بە دوو گۆڵ سەرکەوتنی مسۆگەر کرد، دوای ئەوەی عێراق بە یەک گۆڵ لە پێشەوە بوو بە درێژایی یارییەکە کە دوێنێ سێشەممە 25ی ئازاری 2025 لە ئوردن بەڕێوەچوو، دوای هەڵبژاردنی وەک شوێنێکی بێلایەن، کە وا دادەنرا کە سوودێکی نادادپەروەرانەی بە ئوردن بەخشیوە چونکە ڕکابەرێکی ڕاستەوخۆیە لەو کۆمەڵەیەدا کە ڕکابەری عێراق دەکات بۆ بەدەستهێنانی کارتی پاڵاوتن لەگەڵ هەڵبژاردەی کۆریای باشوور.
